کوێستان جەمال ناوێکی دیارو ئەکتیڤی دونیای هونەری وێنەکێشانە
261542467_4741843769209318_8421286500190386414_n

کوێستان جەمال ناوێکی دیارو ئەکتیڤی دونیای هونەری وێنەکێشانە و دەرچووی یەکەمین خولی پەیمانگای هونەرەجوانەکانی سلێمانیە.

کوێستان لەساڵی ١٩٦٥ لەشاری سلێمانی لەدایک بوە لەساڵانی ١٩٨٠تا ١٩٨٥ لەپەیمانگەی هونەرەجوانەکانی سلێمانی بەشی هونەری شیوەکاری خوێندووە کە یەکەمین خولی خوێندنی پەیمانگەیە. شایانی باسە لەو ساڵەدا لەو بەشە تەنها دوو خۆێنکاری ڕەگەزی ژن دەرچوە.

هونەرمەند کوێستان لە ساڵی ١٩٩٨ لەڕێگەی نەتەوەیەگرتوەکانەوە ڕوو لە هەندەران دەکات و لەوکاتەوە تا ئێستا لە وڵاتی نەرویج لەشاری بیرگن نشتەجێیە .

٢٠٠٢-٢٠٠٦ بەکەلۆرێۆز لە ناشناڵیەکادمی هونەری بیرگن بەدەست دەهێن

٢٠٠٧-٢٠٠٩ بروانامەی ماستەر لە هونەردابەدەست دەهێنێت

وەک خۆی دەڵێت ژیان  وگوزەرانکردن وەک کەسێکی ئەکتیڤ لەبواری هونەردا  بۆ  ئەو دووجار سەخت بوە  لە قۆناغەکانی ژیانی

هۆکاری ئەوەی کەلەڕەگەزی ژن بوە دواتر لەسەردەمی بەعسی فاشیستا ژیاوە ، وە دەڵێت ڕووی لەهەندەرانکردوە تا بتوانیت بە ئازادانە بژی ، بە ئازادانە بیربکاتەوە و پەرە بەخۆی و هونەرەکەی بدات لەژیر رکیفی هیچ سانسۆرێک دانەبیت کە لە گەشەی هونەر دووری بخاتەوە .

کوێستان جەمال دەڵیت لە قۆناغەسەرەتاییەکانی هونەرکردنما هونەرم وەک کردەیەکی بەرانگار بوونەوە ئەنجام دەدا بۆسەلماندنی (زات ، توانا ، رای خۆم ) وە هونەرەکەم  زیاتر هێڵکاری و کاری  ڕۆنی بوە و دەربڕین خوازانە و سومبولیانەو بوو لەکاتێکدا کە بەڕێوەبردنی  ووڵات لەژیر دەستی ڕژێمێکی دیکتاتۆر و فاشستی بەعسدابو.

وەک ژنێک  نوسین و دونیا بینی ( نەوال سەعداوی ) کاریگەری زۆری لەسەر داناوم .

کاتێک دەچێتە ووڵاتی نەرویج بەر دونیاو ژینگەیەکی جیاوازی کۆمەڵایەتی وهونەری دەکەوێت  سەرەتای نمایشەکانی و سەرنج و باسی میدیاکاران  دەچێتە سەر ئەوەی کەژنێکی پەنابەری ڕۆژهەڵاتی لەووڵاتی جەنگەوە هاتوە دایکەو ئیش وهونەردەکات و ئارەزووی فێر بوونی هەیە .

بەڵام هەر زوو کوێستان جەمال بەتوانای هونەری خۆیی سەرنج دەباتە شوێنێکی تر ئەوەش سەلیقەو توانا هونەرییەکەیەتی زیاد لە هەر بابەتێکی تر  .

بابەتی کارکردنی بەریەککەوتنی دووکلتورو ژینگەی جیاوازە پرسی بەدواخۆدا راکێشانی کولتورو ژینگەیەک کە لێوەی هاتوەو ڕابردوە بە بەستنەوەبەرکەوتنی  بە کولتورەو ژینگەیەکی تەواو جیاواز  کە ئێستا تیا دەرژی ، ئەو نێوەندە کە دەکرێت نە ئێرە بێت و نە ئەوێ بەڵکو بەرهەمێک بێت کەلە ئەنجامی دوو بەرکەوتەی جیاواز دروست دەبێت ورەنگ و داڕشتەی سەربەخۆ و لکاو بە ناشووێنەوە لە شوێنێکی تردا دێتە ئاراوە

پرسی ئەدینتیتی دەوروژێنێت کە پرسێکە زۆرتر  ڕووبەڕووی کەسانی کۆچکردوو  دەبیتەوە من کێم من چیم دەتوانم چی بکەم ،ئەو پرسەش بۆ خۆی هەمیشەییە واتا وەڵامی کۆنکرێتی نیە وابەستە  بە بوون و بەردەوامیەوە.

تابلۆکان تایبەتمەندی خۆیان هەیە لە ڕووی قەبارەوە گەورەن لەپرسیارێکان لەو بارەیەوە دەڵێت : دەمەوێت بینەر (تعایش ) لەگەڵکارەکە بکات بەڕادەیەک هەست بکات لەگەڵ  ڕیتمی نەخشێنراوەکە تیکەڵ بێت وەک ئەوەی بینەر لەناو تابلۆدابیت ،  بە پێچەوانەشەوە لە تەماشا کردنی  تابلۆی قەبارە گەورە پیویستە  بینەر دورو نزیک بکەوێتەوە لە  سەرنج لە تابلۆ بدات  ، قەبارە گەورەکە وادەکات یەکە بچوکەکان باشتر ببینرێن ، وە فڵچەی جوڵەو ڕتمی  بەیەکدا چووی هارمۆنی شەپۆلداری هەیە  ، بە هەردوو رەنگە ساردو گەرمەکان لە ڕووبەری جیاوزدا بەکاردە‌‌هینیت کە هیچکامێکیان زاڵ نین بەسەر ئەوی تردا وهەریەک پانتای جیاوازی خۆی هەیە  هارمۆنیەتی رەنگ و جوڵە بەشێکی گرنگ و دیاری پێکهاتەی کارەکانیەتی.

زۆرێک لەو کوریتەرانەی کە کاری لەگەڵ ئەنجامداون راو بۆ چوونی تایبەتیان دەربارەی دونیا بینی و کارەکانی بڵاو کردۆتەوە.

شایانی باسە کۆێستان جەمال چەندین پێشەنگەی تایبەت وهاوبەشی هەیەیە لەدەرەوەی کوردستان و تا ئەم ساتە پڕ بەرهەم و ئەکتیڤە .

 

 

 

Leave a comment