موفیدە تەلاتلی، دەرهێنەری تونسی کۆچی دوایی کرد

Moufida-Tlatli

موفیدە تەلاتلی خانمە دەرهێنەری سینەمای تونسی و عەرەبی و یەکێک لە ناوە دیار و پرشنگدارەکانی سینەما لە فەرەنسا، لە ڕۆژی یەکشەمە ٧/٢/٢٠٢١ لە تەمەنی ٧٣ ساڵی دا کۆچی دوای کرد.

تەلاتلی خاوەنی شاکارە هونەریەکانی ‘سارە و نادیە، وەرزی پیاوان، بێدەنگی کۆشکەکان’ە. لە پاریس خوێندنی سینەمای تەواەکردوە و چەند ساڵێک لە تەلەفزیونێکی فەڕەنسا کاریکردوە.

ئەو لە سەرەتای کارکردنیدا زیاتر لە بواری مۆنتاژدا سەرقاڵ بووە و دواتر وەکو دەرهێنەرێکی ژن لە پرۆسەی دەرهینانی فیلم دا چەند کارێکی ئەنجامداوە و کارەکانی زیاتر سەبارەت کێشە و مژارەکانی ژنان بووە.

فیلمی بێدەنگی کۆشکەکان چەندین خەڵاتی جیهانی بەدەست هێناوە، لەنێویاندا خەڵاتی کامێرای زێڕینی فێستیڤاڵی کان و خەڵاتی لیژنەی داوەرانی فێستیڤاڵی تۆرنتۆ و چەندین خەڵاتی تر لە فێستڤاڵەکانی قرتاج و ئیستەنبووڵ.

تەلاتلی وەک ئەندامی لێژنەی داوەرانی زۆرێک لە فێستیڤاڵە سینەمایە جیهانیەکان بەشداربووە و یەکێکە لە ناوە زیندو و نەمرەکانی سینەمای عەرەبی و جیهانییە.

Leave a comment