ئامارەکانی توندوتیژی ٢٠٢٠ روو لە زیاد بوونە

eliminate-violence-women

هەر بە بڵاوبوونەوەی ڤایرۆسی کۆرۆنا ژمارەی داتا و ریپۆرتکردن لەسەر توندوتیژی دژی ژنان لەسەرتاسەری جیهان رووی لە زیادبوون کرد.

توندوتیژی دژی ژنان و کچان بەدیارترین پێشێلکاری مافەکانی مرۆڤ هەژمار دەکرێت کە بەشێوەیەکی بەربڵاو و بەردەوام و ڕوخێنەر رووبەرووی ژنان و کچان دەبێتەوە.

بەپێی ئامارەکانی نەتەوە یەکگرتووەکان کە لە ١٦ رۆژی بەرەنگاربوونەوەی توندوتیژی دژی ژنان بڵاوی کردەوە :

  • تەنها لە ساڵی ٢٠٢٠ دا، ٢٤٣ میلیۆن ژن لە سەرانسەری جیهان کە تەمەنیان لە نێوان ١٥ بۆ ٤٩ ساڵیدایە لەلایەن چواردەورەکەیانەوە روبەروی توندوتیژی جەستەیی و سێسکی دەبنەوە.
  • لە هەر ٣ ژنێکدا یەکێکیان لەلایەن هاوسەر یاخود کەسێکی نزیکیان روبەروی توندوتیژی سێکسی و جەستەیی دەبنەوە.
  • ٤٨% ی ئەو ژنانەی هاوسەرگیرییان کردوە ناتوانن دەربارەی پەیوەندییە سۆزدارییەکان بریاری ئازادانە بدەن.
  • لە ئێستادا و لە جیهاندا ٧٥٠ میلیۆن هاوسەرگیری پێشوەخت هەیە.
  • ٢٠٠ میلیۆن ژن و کچ روبەروی شێواندنی ئەندامی زاوزێیان دەبنەوە ( خەتەنە دەکرێن)
  • ٧١% قوربانیانی بازرگانی کردن بە مرۆڤەوە ژنن، و لە هەر ٤ کەسێکیان ٣ کەسیان روبەروی بەکارهێنانی سێکسی دەبنەوە.
  • لەسەرتاسەری جیهاندا، رۆژانە ١٣٧ ژن و کچ لەلایەن خێزان یان هاوسەرەکانیانەوە دەکوژرێن.

سەرچاوە/ unwomen

Leave a comment