ژیانی من، پۆڕنی تۆ نییە

202106wrd_southkorea_protest

ژیانی من، پۆڕنی تۆ نییە

٤٤ هەزار کەس لە کۆریای باشور، لە دژی دانانی کامێرە لە شوێنە تایبەتەکانی وەک “توالێت”دا، ڕژانە سەرشەقامەکان.

خۆپیشاندەران لە دژی دانانی کامێرا لە توالێتەکاندا، هاتنەسەرشەقامەکان و ڕایانگەیاند، ئەم کارە نایاساییە و پێویستە ڕێگری لێبکرێت.

دانانی کامیرا لە توالێتەکاندا لە کۆریای باشور ڕو لە زیاد بونەوە و ئەو کەسانەی کامیراکان دادەنێن دواتر ڤیدیۆکان بۆ سایتە پۆڕنەکان دەنێرن، ئەمەش نەڕەزایی لێکەوتەوە و بەهۆیەوە ٤٤ هەزار کەس هاتنە سەر شەقامەکان.

خۆپیشاندەران بە دروشمی “ژیانی من، پۆڕنی تۆ نییە” ناڕەزایەتییان دەربڕی، ئەمە لە کاتێکدا لە ساڵی ٢٠١٢ تا ٢٠١٧ نزیکەی ١٦ هەزار و ٢٠٠ کەس بە هۆی دانانی ئەم جۆرە کامیرایانەوە دەستگیرکراون، لە  ٪٩٨ ئەوانەی دەستگیرکراون پیاون، لە ٪٨٤ ی ئەو قوربانییانەی ڤیدیۆیان گیراوە و شکاتیان کردووە ژن بوون.

سزای ئەم کارە لە کۆریای باشور ١٠ ملیۆن ڤونە و بە لایەنی زۆرەوە ٥ ساڵ زیندانییە، بەڵام چالاکان و ڕێکخەرانی خۆپیشاندانەکە دەڵێن پۆلیسی وڵات لەم بارەیەوە چاوپۆشی دەکات و یاسا بە دروستی مامەڵە ناکات و زۆرێک لە کەیسەکان بەبێ هیچ سزایەک کەیسەکانیان داخراوە.

لە مانگی شەشی ٢٠١٨ دا ٢٢ هەزار ژنی کۆری ناڕەزاییان دەربڕی و هاتنە سەرشەقامەکان و بووە گەورەترین خۆپیشاندان بۆ داواکاردنی مافی ژنان، بەڵام لە خۆپیشاندانی ئەمساڵدا ژمارەکە زیادیکردو گەیشتە نزیکەی ٥٥ هەزار کەس، هەروەها ٤٠٠ هەزار واژۆ کۆکرایەوە و درایە حکومەت بۆ بەدواداچون و چارەسەرکردنی ئەو دیاردەیە لە کۆریای باشوردا.

 

 

 

سەرچاوە: Harasswatch

Leave a comment