نەجیبە خانی جەلیزادە، ناسراو بە (یایە دایە)

Arabic

یەکێک لەژنە ئازا و ئازادیخوازەکانی کورد، لە ١٩١٧ لە کۆیە لە دایک بووە، کچی مەلا محەمەدی کۆیە ناسراو بە( مەلای گەورە) ی کۆیە بووە.

لەسەرەتاکانی تەمەنیدا منداڵێکی زیرەک و وریا بووە، لەو تەمەنەیدا لە یاریی کچانەی هاوتەنەمەنی خۆی بەدوور بووە، بەردەوام حەزی بە مەجلیسەکانی مەلای گەورەی باوکی بووە.
لە ١٩٢٤ لەهەنگاوێکی شۆڕشگێڕانەدا باوکی (نەجیبەخان) لە تەمەنی ٧ ساڵیدا لە کۆیە لە خوێندنگەیەکی کوڕان دەنێرێتە بەر خوێندن، چونکە کچ قوتابخانەی نەبووە لەو سەردەمەدا، ئەمەش وایکردوە یەکەم کچ بێت بچێته بەرخوێندن پێش کردنەوەی قوتابخانەی کچان.

ئەو خوێندنگەیەی نەجیبە خان تێیدا دەستی بە خوێندن کرد، بوو بەیەکەم خوێندنگەی تێکەڵاو لە کوردستان و عێراقدا.

نەجیبەخان لە کۆیە بۆماوەی دووساڵ سەرپەرشتی یەکەم قوتابخانەی ژنانی کرد کاتێک لە ١٩٣٣ کرایەوە.

ئەوەی نەجیبەخانی جیا کردۆتەوە ،کەسایەتییەکی هێمن و قسە خۆشی هەبووە، هەروەها لەو سەردەمە دا زۆر حەزی بە زانست و خوێندن کردوە. هەمیشە پێش خەوتنیش دەستی دەکرد بە نوسینی بیرەوەریەکانی.

لە ساڵی چلە کاندا دەبێتە ئەندامی حزبی هیوا و بەردەوام درێژە بەکارو خەباتی سیاسی دەدات و ڕۆڵیکی باش دەبینێت بۆ هاندانی ژنان.

لە ١٩٥٢ بە نهێنی دەبێت بە سەرۆکی لقی کۆیەی یەکێتی ئافرەتان. لە ١٩٩٩ لە تەمەنی ٨٢ ساڵیدا کۆچی دوایی دەکات.

 

Leave a comment