ژیا، هەرکارێک قورس بێت دەتوانیت دەستپێبکەیت

photo_2021-04-05_13-21-39

ژیا، هەرکارێک قورس بێت دەتوانیت دەستپێبکەیت

زۆر بە زەحمەت ئەم کارەی دەست پێکرد، چونکە ئەوەندە ئاسان نییە ژنێک بەتەنیا لە وڵاتێکی ئەوروپی بۆن بە لۆگۆ و براندی خۆی دروست بکات و کۆمپانیایەک دابنێت. ئەو بەردەوام بە ژنان دەڵێت ویستتان هەر کەرێکی قورس بکەن لێی نەترسن و بەباوەڕ بەخۆببونەوە دەست پێبکەن.

ژیا کەمال قادر، خەڵکی سلێمانییە، چەندین ساڵە لە وڵاتی ئەڵمانیا دەژی، خاوەنی کۆمپانیای تایبەتی خۆیەتی، ئەو دایکێکی میهربانە و خۆی بەخێوکەری دوو منداڵەکەیەتی. ماوەی ٧ ساڵە لەگەڵ کۆمپانیایکی بۆن لە ئەڵمانیا کاردەکات و سەرەتای کارکردنیشی بە مەندوبیی دەستی پێکرد.

کاتێک ژیا لە کۆمپانیا ئەڵمانییەکە ئیشی دەکرد، بەوپەڕی حەز و خۆشەویستییەوە  بەردەوام بووە،  فرۆش و ڕیکلامی باشی بۆ بەرهەمەکانی لەگەڵ وڵاتانی تردا کردووە. ئەمەش وایکردووە ڕۆژ بەڕۆژ پلەی بەرزتر بێتەوە تا بگات بەوەی خۆی ببێت بە خاوەنی کۆمپانیا.

“بۆماوەی ٣ ساڵ لەو  بوارەدا خوێندم و بڕوانامەم وەرگرت، دواتر لەگەڵ خاوەنی کۆمپانیاکە قسەم کرد و پێم وتن وەک ژنێکی کورد پێم خۆشە ئەم بۆنانەی لێرە دروستی دەکەم بە براندی خۆم بۆ کوردستانی بنێرمەوە” ژیا وتی.

بۆ ژیا ئاسان نەبوو لە وڵاتێکی ئەوروپی کارگەیەکی دروستکردنی بۆن دابنێت، بەڵام سوور بوو لەسەر گەیشتن بە ئامانجەکەی، هەر بۆیە گرێبەستی لەگەڵ ئەو کۆمپانیا ئەڵمانییە واژۆ کرد کە خۆی کاری لێدەکرد، بۆ ئەوەی مەکینەکانی ئەو کارگەیە بەکار بهێنێت بۆ دروستکردنی بۆنەکان، بەڵام هەموو مادەکان و پێداویستییەکان خۆی دەیکڕی و پێکهاتەکانی دروست دەکرد.

” لەدوای ماندوبونێکی زۆر بەتەنیا دەستمپێکرد و هیچ  کەس و لایەنێک لە پشتم نەبوون. بەهۆی گرێبەستەکە و تواناکانی خۆم بۆنی (ژیا)م بەرهەمهێنا. ژیا بۆنێکە لەلایەن کچێکی کوردەوە دروست دەکرێت، هەرچەندە بەهۆی ئەو گرێبەستەوە ناتوانم لە ئەڵمانیا بیانفرۆشم، بەڵام لەهەموو وڵاتانی تر توانیومە بیانخەمە بازاڕەوە”  نزیکەی ساڵ و نیوێک دەبێت ژیا چەندین بۆنی جیاوازی بەرهەم هێناوە.

دانانی کارگەیەک بۆ دروستکردنی بۆنەکانی ژیا لە کوردستان کە چەندەها مەکینە و پێداویستی تری دەوێت قورسە تا ئەو کاتەی بەرهەمەکەی بە زۆرترین کەس دەناسێنێت.

 

ژیا دەڵێت “پشتگیری و هاندانی کەسەکان وام لێدەکات کە ئەو کارە بەرەو پێشتر بەرم، هەرچەندە لە کارەکەم ماندودەبم بەڵام کاتێک دەبینم کەسێک بۆنی ژیای بەدەستەوەیە و ڤیدۆکانم بۆ دەنێرنەوە و دەست خۆشیم لێدەکەن ماندوێتیم دەردەچێت.”

خەونی  ژیا ئەوەیە کە کۆمپانیاو تاقگەکەی  بهێنێتەوە کوردستان و لەسەری بنوسرێ (Made in Iraq)، لەو ڕێگەیەشەوە هەلی کار بۆ چەندین کەسی تر دروست بکات کە ئارەزویانە لەو بوارەدا کاربکەن.

 

 

 

 

چاوی خەڵک/ تایبەت

Leave a comment