حەوت وڵاتی عەرەبی پێکەوە کار بۆ ڕوبەڕوبونەری توندوتیژی دژی ژنان دەکەن

حەوت وڵاتی عەرەبی لە پڕۆژەیەکدا کاردەکەن بۆ ڕوبەڕوبونەوەی دیاردەی توندوتیژی دژی ژنان  لەکارخستنى یاساى لێبوردن بۆ تاوانبارانى توندوتیژى خێزانی.

کەمپینی "نا بۆ لێبوردن بەرامبەر بە تاوانبارانى توندوتیژىی دژ بە ژنان و کچان" ڕاگەێنرا، کە لەلایەن رێکخراوى یەکێتى ئەوروپاوە سەرپەرشتى دەکرێت و هەر حەوت ووڵاتی میسر، جەزائیر، تونس، مەغریب، فەلەستین، ئەردەن و لوبنان دەگرێتەوە.

لەیلا مەڕوە، ئەندام لە کۆبەندى ژنانى دیموکراتیخواز لە لوبنان، لەو بارەیەوە وتى" گرنگى کەمپینەکە لەوەدایە ژمارەیەک وڵاتى ناوچەکە بەشدارن، ئەوەش هەنگاوێکى کاریگەرە بۆ هێنانەکایەى بنەماکانى یەکسانى و دادپەروەرى بۆ ژنان."

"بەرەوپێشچونێکى دیار لە مافەکانى ژنان بەدیناکرێت، لەکاتێکدا هەوڵدان بۆ چەسپاندنى ئەو مافانە زۆرترین کارى بۆ کراوە، لەگەڵ ئەوەشدا، بەردەوامدەبین و بەوزەی زیاترەوە کار بۆ بەدیهێنانیان دەکەین." لەیلا مەڕوە وای ووت.  

هاوکات، حەیات مرشاد،  لێپرسراوی بەشى میدیا لەکۆبەندى ناوبراو، وتى، "هەنگاوى سەرەکى شکاندنى بێدەنگییە لەلایەن ژنانەو".

بە ووتەی حەیات، لەوەش گرنگتر نەهێشتنى ئەو یاسایانەىە کار بۆ دەربازبونى تاوانباران دەکەن، لەوانە یاساى لێخۆشبون کە هۆکارێکى سەرەکییە بۆ بەردەوامبونى توندوتیژى دژی ژنان و کچان".

دیاردەى توندوتیژى دژی ژنان دیاردەیەکى جیهانییە و ساڵانە ژمارەیەکى زۆر لە ژنان لە سەرتاسەرى جیهاندا، بەتایبەت وڵاتانى خۆرهەڵاتى ناوەڕاست و باکورى ئەفریقیا لەرێى ڕووداوەکانى توندوتیژییەوە گیان لەدەست دەدەن. 



سەرچاوە: العربى الجدید



AM:11:36:29/09/2019




ئه‌م بابه‌ته 67 جار خوێنراوه‌ته‌وه‌‌