رێکخراوى PDO خولێکى هۆشیارى تەندروستى لەچەمچەماڵ رێکخست

لەدرێژەى کاروچالاکیێەکانیدا بەبۆنەى رۆژى جێهانى بەرەنگاربوونەوەى توندوتیژى دژ بەژنان 25ى نۆڤەمبەر، سەنتەرى ئاشتى رێکخراوى خەڵک بۆگەشەپێدان (PDO) لەشارۆچکەى چەمچەماڵ، بەهاوکارى رێکخراوى UNFPA رۆژى 24/11/2016 لەهۆڵى نەخۆشخانەى گشتى چەمچەماڵ خولێکى هۆشیارى بۆ (20) کارمەندى تەندروستى نەخۆشخانەى شەهید پێشرەو ریکخست.
لەوبارەیەشەوە ئەڤین ئەحمەد سەرپەرشتیارى سەنتەرى ئاشتى رێکخراوى خەڵک بۆگەشەپێدان لەشارۆچکەى چەمچەماڵ، تایبەت بەماڵپەرى" چاوى خەڵک "، وتى" بەرزکردنەوەى ئاستى هۆشیارى کارمەندانى تەندروستى لەچۆنییەتى ناسیینەوەو مامەڵەکردن لەگەڵ حاڵەتەکانى توندوتیژى دژ بەژنان وتوندوتیژى جێندەرى یەکێکە لەگرنگترین ئەوکارانەى پێویستە بایەخى تەواوى پێ بدرێت وکار بۆپێشخستنى بکرێت لەدەزگا تەندروستییەکان دا"، وتیشى" بەردەوام دان  بەمجۆرە خولانە لەئەولەوییەتى کارەکانى ئێمە دایە وتیروانینى ئێمەش بۆ ئەم لایەنە تیروانینێکى بونیاتنراوە لەسەر بنەماى پاراستنى ژنان لەمەترسییەکانى توندوتیژى خێزانى وکاریگەرییە نەرینیێەکانى بۆسەر کۆمەڵگا.. لەو رووەشەوە ئێمە لەپەیوەندى وهەماهەنگى تەواو دا دەبین  لەگەڵ دەزگا تەندروستییەکانى ناوچەکە بەشێوەیەکى گشتى".
لاى خۆشیەوە سێوە فاتیح راهێنەر لەبوارى هۆشیارى تەندروستى ووانەبێژى خولەکە، جەختى لەوەکرد" دەرمانى توندوتیژى هۆشیارییە،کارمەندانى تەندروستیش  ئەو کەسانەن کەرووبەرووى ئەو جۆرە کەیسانە دەبنەوە بۆیە لێرەشەوە دەتوانن بەرکەوتنێکى تەندروستى کارانەیان هەبێت لەشێوازى مامەڵەکردنیان لەگەڵ کەیسەکانى توندوتیژى تاوەکو ئەوکاتەى داتوانن بەدەر لەکەم کردنەوەى ئازارو مەترسییەکانى سەر ژیانیان جارێکى تر ژیانیان بۆ بگەرێننەوە ".

چاوى خەڵک/ تایبەت


PM:08:38:25/11/2016




ئه‌م بابه‌ته 302 جار خوێنراوه‌ته‌وه‌‌