نەوال سەعداوى: ناترسم،کاریگەریشم لەسەر گەنجان زۆرە

لەدیمانەیەکى تایبەتى ماڵپەرى  CNN ى ئەمریکى دا، د.نەوال سەعداوى ژنەنووسەر وچالاکوانى بەناوبانگى بووارى مافەکانى ژنان، ئاماژەى بەوەدا ئەو هێرشانەى رووبەرووى ده‌بنه‌وه‌ لەدەرەنجامى لێدوان وبۆچوونەکانى لەبارەى کوشتنى کچان بەیانووى شەرەفپارێزى لەدیهاتەکانى وڵاتى میسر دا هیچ جۆرە بێزارییەکیان لادروست نەکردووە ،هاوکات جەختى لەوەشکردوەوە کاریگەرییەکانی لەسەر گەنجان زۆرێک لەبازرگانانى ئاینى تووشى نارەحەتی کردووە :

* وەڵامت چییە بۆ ئەو هێرشانەى لەم دوواییانەدا تۆیان کردە ئامانج ؟
ـ نازانم.. چ هێرشێکتان مەبەستە ؟ من بووارى ئەوەم نییە بەدواداچوون بۆ هەموو ئەو شتانە بکەم کەلەسەر من دەوترین وکەسایەتیم دەکەنە ئامانج .

*مەبەستمان لە هێرشەکانى کەناڵە ئاسمانییەکانە ؟
ـ بەدواداچوون بۆ بەرنامەکانى کەناڵە ئاسمانییەکان ناکەم،چونکە ئەو کەناڵانە بەلاى منەوە بریتین لە" دارستانێکى گەورە".. بۆیە نازانم کێ هێرشى کردووە وچیشی لەسەر وتووم .

* وەکو خۆت ئەو هێرشانە چۆن دەبینیت وچۆن مامەڵەیان لەگەڵ دەکەیت ؟
ـ هەموویان تیدەپەرینم .. ئێستا تەمەنم 81 ساڵەو 61 بڵاوکراوە وکتێبى چاپکراویشم هەیە.. هەندێک لەو بەرهەمانەش بۆ زیاتر لە40 زمانى جیهانى وەرگێراون، هەروەها 3 جاریش بۆ بەدەستهێنانى خەڵانى نۆبڵ پاڵیوراوم لیره‌شه‌وه‌ کارێکى نەشیاوە من وەڵامى هەندێک خەڵک بدەمەوە لەکەناڵە ئاسمانییەکانەوە.. ئەوانەى هێرشم دەکەنەسەر تەنها خودى من ناکەنە ئامانج ، بەڵکو هێرشى ئەوان بۆسەر هەموو کەسێکە کەبیردەکاتەوە وشیکردنەوەو کاردانەوەى تایبەت بەخۆى هەیە بۆ رووداوەکان بەتایبەت ئەگەر بیرکردنەوەکان زمانى ئەقڵ بکەنە ئامانج ..ئیدى ئەوانەش کەهێرش دەکەن بەرژەوەندى تایبەتى خۆیان هەیە..جا باشتر وایە هەر لایەنێک دەیەوێت شیکردنەوە بۆکارو بیرکردنەوەکانم بکات بیت لەکۆرو سیمینارەکانم ئامادەبێت هەڵبەتە مەبەستم ئەو گۆرانەیە کەگەنجان تێدا ئامادەبوونێکى کاریگەر وبەرچاویان هەیە.

*هەندى لایەن داوادەکەن سەنتەرى " نەوال سەعداوى " بۆ فیکرو داهێنان دابخرێت..لەمبارەیەوە چى دەلێیت ؟
ـ سەنتەرى نەوال سەعداوى بۆ فیکرو داهێنان، سەرچاوەیەى هەلگیرسانى شۆرش بوو لەیەکێک لەوڵاتە عەرەبییەکاندا بێگومان ئەوەش مایەى نیگەرانییەکى زۆرە بۆئەو لایەنانە .. ئەوان بازرگانى بەئاینەوە دەکەن ونایانەوێت کەسێک هەبێت کاریگەرى لەسەر بیرکردنەوەى گەنجان ببێت بەدیوە میانرەوەکەى ئه‌وه‌ش کاردانەوەیەکى ئاساییە ئەگەر داواى داخستنى سەنتەرەکەش بکەن.

*هۆکارى ئەو هێرشانە چین کە نەوال سەعداوى دەکەنە ئامانج ؟
ـ پیشەى سەرەکى ئەوانەى هێرش دەکەن پۆشینى ئەقڵى مرۆڤە لەبیرکردنەوە، ئێمەش ئەو دەمەى بانگەشەى درۆشمێکى جیاواز لەوەى ئەوان دەکەین بێگومان تووشى بێزارى وکاردانەوەیان دەكه‌ین .

*پێت وایە رەوشى کۆمەڵگا روو لەخراپ بوون دەکات؟
ـ ژیان فرەلایەنەو بەهێلێکى راستەوخۆدا تیناپەرێت .

*هەست بەبێزارى دەکەیت لەو هێرشانەى تۆ دەکەنە ئامانج.. تۆ ئێستا نیگەرانیت ؟
ـ بەهیچ شێویەک نیگەران نیم،بەڵکو زۆریش گەشبینم هەر لەم دوواییانەشدا خەڵاتى گەشبینیم پێبەخشرا لەوڵاتى ئیسپانیا.. هیواو گەشبینى هۆکارى بەردەوامى نەوال سەعداوین.. من هەموو ئەزموونێکى تاڵ دەگۆرم بەتوانا وسووربوونى زیاتر لەسەر مانەوە .. کەلەزیندان بووم رێگەم نەدا ئەو ئەزموونە تاڵە ژیانم بگۆرێت.. ئێستاش بەهەمان شێوە بۆ ئەم جۆرە هێرشانە کەبەکارێکى زۆرباشیان دەبینم چونکە کەسایەتییەکى خاوەن کاریگەرییان کردۆتە ئامانج .

و/ ئەڤین 
لە CNN



AM:10:25:20/08/2016




ئه‌م بابه‌ته 267 جار خوێنراوه‌ته‌وه‌‌