داعش 12 هەزار دۆلار بۆ(کەنیزەیەک) ى جوان وپاکیزە دەخاتەروو

دوابەدواى شکستە یەک لەدواى یەکەکانى ولەدەستدانى بەشێکى زۆرى ناوچەکانى ژێردەسەڵاتى لەعیراق، رێکخراوى تیرۆرستى داعش شێوازه‌كانى بەدەستهێنانى داهات وسەرچاوە داراییەکانى رێکخراوەکەى لەبازرگانی پێکردنى زیاترى کچان وژنانى ئێزیدى چرتر دەکاتەوەو بەپێ راپۆرتێکى ئاژانسى" ئەسۆشیتد پرس" یش، رێکخراوى ناوبراو بۆ قەرەبووکردنەوەى زیانە مادییەکانى لەئێستادا تۆرە کۆمەلایەتییەکانى کردۆتە دەروازەیەکى لەبار بۆ فرۆشتنى  ئەو کچ و ژنانەى وەکو کەنیزە لەلایەن ئەو رێکخراوەوە دەستبەسەر کراون.. لەو رووەشەوە بەرپرسێکى ئەو رێکخراوە  12،500 دۆلارى ئەمریکى وەکو نرخى فرۆشتن بۆ کچێکى (12 ساڵ) خستۆتەروو وهۆکارى دەستنیشانکردنى ئەو نرخەش بۆ (جوانى وپاکیزەیى ) کچەکە دەگەرێتەوە .
ئەسۆشیتدپرس لەراپۆرتەکەیدا ئاماژە به‌وه‌ ده‌كات، ماوەیەک لەمەوبەر بەرپرسانى ئاژانسى ناوبراو رێکلامێکى تیرۆرستانى داعشیان لەرێگاى خزمەتگوزارى "واتس ئاپ"وە بەرچاو کەوتووە کەچەکردارانى رێکخراوى ناوبراو تێدا بانگەشەى فرۆشتنى ژنێکى ئێزیدییان کردووە ولەناوەرۆکى ریکلامەکەشدا هاتووە " ئەم ژنە دایکى 2 منداڵە، یەکێکیان تەمەنى 3ساڵەو ئەوى تریش منداڵیکى 7مانگى شیرەخۆرە.. نرخەکەشى 3700 دۆلارە ولەسەر خواستى خۆى بریارى فرۆشتنى دراوە !".. لەو بارەیەشەوە مات ستینفێلد وتەبێژى کومپانیاى واتس ئاپ، وتى " هەڵسووکەوتى لەوشێوازە هیچ کاتێک قابیلى لێخۆشبوون نییە،ئێمە وەکو بەرپرسانى کۆمپانیا ئەوجۆرە ریکلامانە دەستبەجى دەیخەینە لیستى قەدەغەکراوەکان"،هەروەها وتیشى" داوامان لەبەکارهێنەرانى واتس ئاپ کردووە لەبوونى هەر ریکلامێکى هاوشێوەدا ئاگادارمان بکەنەوە بۆ گرتنەبەرى رێوشیوێنى یاسایى لەو رووەوە"..هەر بەپێ ئەو زانیارییانەى لەراپۆرتەکەدا خراونەتەروو، لەئێستادا هەندێک لەچەکدارانى داعش هاوکارییەکى تەواوى ئەو قاچاخچییانە دەکەن کەئەرکى دەربازکردنى کەسانى دەستبەسەرى لاى داعشیان گرتۆته‌ ئەستۆ ئەوەش وەکو رێگایەکى نۆى بۆدەستکەوتنى برێک لەپارە بەمەبەستى کرینى ژمارەیەکى زیاتر لەکچان وژنانى بەکەنیزەگیراو لەنێو خودى ئەندامانى رێکخراوەکەدا وەکو بەشێک لەپرۆسەکانى کرین وفرۆشتن وخاوەندارێیەتى هەمەلایانە، ئەوەش لەکاتێکدایە بەشێک لەوقاچاخچییانە توانیویانە زیاتر لە134 کەس لەکەسانى دەستبەسەرى لاى داعش رزگاربکەن،بەڵام لەئێستادا پرۆسەى رزگارکردن ئەو کەسانەش ئەستەم بووە وبەرپرسانى رێکخراوەکەش کۆمەلێک رێوشوێنى زیاتریان بۆ رێگرتن لەدەربازکردنى ئەوکەسانە گرتۆتەبەر .
لەو بارەیەشەوە میرزا دانى دامەزرێنەرى رێکخراوى فریاگوزارى ئەڵمانى ـ عیراقى ،دەلێت "زیاتر لەدوو مانگە دەربازبوون لەچنگى داعش قورس ومەترسیدار بووە..بەرپرسانى ئەو رێکخراوە رێوشوێنەکانى رێگریکردن لەدەربازبوونى هاوڵاتیانى سیڤیل و ژنانى بەکەنیزەگیراویان توندتر کردۆتەوە "،وتیشى" تیرۆرسانى داعش لەتازەترین رێوشوێندا هەستاون بەتۆمارکردنى ژنانى بەکەنیزەگیراو بەناوى کەسانى کریارەوە ئەوەش وایکردووە هەر هەولدانێک لەلایەن ئەو ژنانەوە بۆ هەڵهاتن ودەربازبوون بێ سوودبێت ولەهەموو خالەکانى پشکنینیش دا بەئاسانى بناسینرێنەوە".


چاوی خه‌لك/ ئاژانسه‌كان

PM:07:59:07/07/2016




ئه‌م بابه‌ته 322 جار خوێنراوه‌ته‌وه‌‌